04.08.2026 | 18:49
Ես սկսել եմ Լևոն Քոչարյանի ազնվությանը հավատալ․ Վիլեն Գաբրիելյան. ՏԵՍԱՆՅՈՒԹ
«2.5 անգամ գերազանցել ենք մեր սպասելիքները»․ ԱՏՁՄ նախագահը՝ WCIT 2019-ի մասին. ՏԵՍԱՆՅՈՒԹ
Տնտեսություն
16.10.2019 | 13:15
ՏՏ համաշխարհային համաժողովին, ի սկզբանե, 100 խոսնակ և 2000-2500 մասնակից էր սպասվում, սակայն 6700 մասնակից ունեցանք։ Կարելի է ասել՝ 2.5 անգամ գերազանցել ենք մեր սպասելիքները. այս մասին այօսր ՝ WCIT 2019-ի ամփոփիչ ասուլիսի ընթացքում նշեց Առաջատար տեխնոլոգիաների ձեռնարկությունների միության նախագահ Ալեքսանդր Եսայանը։
«Արդեն տարբեր ընկերությունների հետ քննարկումներ ունենք։ Այն ընկերությունները, որոնք Հայաստանում գրասենյակներ ունեն, իրենց կողմից էլ դրական արձագանք եմ ստացել, շատերը որոշում են կայացրել, որ Հայաստանում իրենց գործունեությունը մեծացնելու են։ Կոնկրետ թվեր դեռ չկան, բայց, կարծում եմ, արդյունքները դեռ առաջիկա ամիսներին կերևան։ Արդեն որոշ նամակներ ենք ստացել Հայաստանում ներդրումների անելու համար»,- ասաց ԱՏՁՄ նախագահը։
Ալեքսանդր Եսայանի կարծիքով՝ կարևոր ձեռքբերումների շարքում WCIT-ի ընթացքում տեղի ունեցած քննարկումների որակն է։ «Դա ոչ միայն մեր կարծիքն է, այլ նաև մեր բանախոսների և հյուրերի, որոնց կողմից ամեն օր շնորհակալական նամակներ ենք ստանում այն մասին, թե քննարկումները որքան հետաքրքիր էին։ Նրանք նշում են, որ չէին սպասում, թե Հայաստանում նման միջազգային բարձր մակարդակի միջոցառում է հնարավոր կազմակերպել։ Գրեթե բոլորի մոտ սպասումները գերազանցել են։ Չորսից ավելի ընկերություն է դիմել համագործակցության համար»,- ընդգծեց Եսայանը։
Անդրադառնալով WCIT 2019-ի կազմակերպման գումարի չափին, Ալեքսանդր Եսայանը նշեց․ «Ծախսել ենք 5 միլիոն դոլարից ավելի գումար։ WCIT-ի բացման համերգի կազմակերպման համար պետական բյուջեից 450 միլիոն դրամ է հատկացվել։ Գումարի մյուս մասը ստացվել է Առաջատար տեխնոլոգիաների ձեռնարկությունների միության և մեր հովանավորների կողմից»։
Մանրամասները՝ տեսանյութում։
Նելլի Մելքոնյան
