30.04.2026 | 19:47
Չեմպիոնների լիգայում հայտնի է շաբաթվա լավագույն ֆուտբոլիստը
Ալիևը հիմա էլ հայտարարել է, թե ժամանակին «Զանգեզուրը Հայաստանին են հանձնել»
Քաղաքականություն
15.10.2019 | 16:28
Ադրբեջանի նախագահ Իլհամ Ալիևը հիմա էլ հայտարարել է ժամանակին «Զանգեզուրը Հայաստանին հանձնելու» և թյուրքական աշխարհն «աշխարհագրորեն ճեղքելու» մասին:
Նախիջևանում անցկացվել է Թյուրքալեզու պետությունների համագործակցության խորհրդի 7-րդ նիստը, որի ընթացքում ունեցած ելույթում Ալիևը հայտարարել է, որ Նախիջևանը անջատված է Ադրբեջանից:
«Ինչպես գիտեք՝ Նախիջևանն անջատված է Ադրբեջանի մայրցամաքային հատվածից: Մեր միջև տեղակայված է Զանգեզուրը՝ հնագույն ադրբեջանական հողը: Հայաստանին դրա փոխանցումն աշխարհագրական ճեղք ստեղծեց թյուրքական աշխարհում»,- ասել է Ալիևը:
Նա Հայաստանին մեղադրել է նաև «Ադրբեջանի բռնազավթված տարածքներում մզկիթներ ոչնչացնելու համար»:
Նիստին մասնակցող Թուրքիայի նախագահ Ռեջեփ Թայիփ Էրդողանն էլ, խոսելով ԼՂ հակամարտության մասին, ասել է, որ Անկարան շարունակում է սատարել հակամարտության խաղաղ կարգավորումը՝ «Ադրբեջանի տարածքային ամբողջականության հիման վրա»:
Հավելենք, որ Թյուրքալեզու պետությունների համագործակցության խորհրդի նախագահությունն Ադրբեջանից փոխանցվել է Ղրղզստանին:
