18.10.2026 | 14:00
Ֆրանսիայում բողոքի ցույցեր են․ կես միլիոնից ավելի մասնակից, ավելի քան 1200 ձերբակալված
Արցախում Ռումինիայից ժամանած պատվիրակության հետ քննարկվել են համագործակցության հեռանկարներ
Քաղաքականություն
12.10.2019 | 19:14
Արցախի Հանրապետության ԱԺ լրատվության և հանրության հետ կապերի բաժնից տեղեկացնում են, որ Արցախի Հանրապետության Ազգային ժողովի նախագահ Աշոտ Ղուլյանը հոկտեմբերի 12-ին հանդիպել է Ռումինիայի խորհրդարանի պատգամավոր Վարուժան Ոսկանյանին և Ռումինիայի հայերի մության փոխնախագահ Զարեհ Նազարյանին, որոնք Արցախում են «Համագործակցություն հանուն արդարության և խաղաղության» համաժողովի շրջանակներում:
Հանդիպման ընթացքում քննարկվել է Ռումինիայում Արցախի մասին տեղեկացվածության բարձրացման, հայրենիքում և Սփյուռքում հայկական ներուժի օգտագործման, խորհրդարանական դիվանագիտության և կրթության ու մշակույթի ասպարեզում համագործակցության ծրագրերին վերաբերող հարցերի շրջանակ:
Երկուստեք կարևորվել է Արցախի արտաքին կապերի ակտիվացման և ապակենտրոն համագործակցության անհրաժեշտությունը:
