08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
«Գրեթե 2 մլն հայի կոտորած թուրքերն արյան ծարավ են». Շերը՝ Սիրիայում Թուրքիայի գործողության մասին
Հասարակություն
11.10.2019 | 17:08
Հայկական ծագումով ամերիկյան աշխարհահռչակ երգչուհի Շերը (Շերիլին Սարգսյան) անդրադարձել է Սիրիայի հյուսիսում Թուրքիայի ռազմական գործողություններին:
«Ներեցե՛ք, որ շարունակ քրդերի մասին եմ խոսում, բայց ես 11 տարեկանից լսել եմ արյան ծարավ թուրքերի մասին, որոնք գրեթե 2 միլիոն հայի են կոտորել։ Այդ մասին նաև Հայաստանում եմ լսել։ Թուրք զինվորները մինչ օրս էլ արյան ծարավ են, և հիմա էլ, Թրամփի օրհնությամբ, քրդերին կցեղասպանեն»,- Twitter-ում գրել է Շերը:
Հիշեցնենք, որ հոկտեմբերի 9-ին Թուրքիան հայտարարել է Սիրիայում ռազմական գործողության մեկնարկի մասին, ինչի արդյունքում երկիրն արդեն հարվածներ է հասցրել սիրիական Թել Աբյադ, Ռաս էլ Այն քաղաքներին և մի քանի այլ բնակավայրերի ուղղությամբ: Նպատակը, ըստ Էրդողանի, տարածքը «ՔԱԿ-ի ահաբեկիչներից մաքրելն է», այնտեղ անվտանգության գոտի ստեղծելն ու 3-4 միլիոն սիրիացի փախստականների այնտեղ բնակեցնելը:
