01.09.2026 | 20:21
ՄԻՊ-ն ուսումնասիրում է Գագիկ Խաչատրյանին պատգարակով դատարան տանելու տեսանյութերը
Խաղաղության Նոբելյան մրցանակը՝ Եթովպիայի վարչապետին
Հասարակություն
11.10.2019 | 16:55
Խաղաղության Նոբելյան մրցանակն այս տարի շնորհվել է Եթովպիայի վարչապետ Աբի Ահմեդ Ալիին: Նա այս պարգևին արժանացել է Էրիթրեայի հետ սահմանային կոնֆլիկտի լուծմանը նպաստելու համար, գրում է ՌԻԱ Նովոստին:
«Խաղաղության և միջազգային համագործակցության նրա ջանքերի համար»,- հայտարարել է Նորվեգական նոբելյան կոմիտեի նախագահ Բերիթ Ռայս-Անդերսենը:
Նա հավելել է, որ ոմանց կարող է այս քայլը վաղաժամ թվալ, քանի որ տարածաշրջանում իրադրությունը շարունակում է լարված մնալ, սակայն Օսլոյում վստահ են, որ Ահմեդ Ալիի գործն «արժանի է աջակցության և խրախուսանքի»:
Նշենք, որ այս տարի Խաղաղության նոբելյան մրցանակին հավակնում էին շվեդ պատանի ակտիվիստ Գրետա Տունբերգը, Նոր Զելանդիայի վարչապետ Ջասինդա Արդերնը, բրազիլական կայապոյի ցեղապետ Ռաոնի Մետուկտիրեն և այլք:
Հիշեցնենք, որ 2018 թվականին էլ Խաղաղության Նոբելյան մրցանակին արժանացել էին Կոնգոյի Դեմոկրատական Հանրապետությունից վիրաբույժ Դենի Մուկվեգեն և Իրաքից իրավապաշտպան, «Իսլամական պետության» գերության մեջ եղած Նադյա Մուրադը:
