04.08.2026 | 16:47
Վանաձոր և Գյուլագարակ համայնքներին է վերադարձվել 12 հողատարածք․ Գլխավոր դատախազություն
Ադրբեջանցիները ցանկանում են մասնակցել Սիրիայում Թուրքիայի ռազմական գործողությանը
Քաղաքականություն
11.10.2019 | 16:01
Ադրբեջանցիները ցանկանում են մասնակցել Թուրքիայի կողմից Սիրիայում իրականացվող ռազմական գործողությանը։
Ադրբեջանի նախագահականի հասարակական կազմակերպություններին աջակցող խորհրդի անդամ Էմին Հասանլըն հայտարարել է, որ 1000-ից ավելի ադրբեջանցի երիտասարդներ դիմումներ են ներկայացրել՝ թուրքական բանակին կամավոր անդամագրվելու համար:
Հասանլըն իր ելույթում հույս է հայտնել, որ Սիրիա մտած թուրքական բանակի գործողությունները հաջողությամբ կպսակվեն։
Նրա խոսքով` Ադրբեջանի բազմաթիվ հասարակական կազմակերպություններ, ինչպես նաև Ադրբեջանի ողջ ժողովուրդն աջակցում է Սիրիայում Թուրքիայի կողմից իրականացվող ռազմական գործողություններին։
«Հույս ունենք, որ հաղթական թուրքական բանակն ամենակարճ ժամանակահատվածում հաղթանակ կտանի։ Ադրբեջանի հերոսները և երիտասարդները ցանկանում են կռվել Թուրքիայի բանակի շարքերում»,- ասել է ադրբեջանցի պաշտոնյան։
