14.05.2026 | 19:54
ԿԸՀ-ն պատգամավորի 45 թեկնածուների գրանցումն ուժը կորցրած է ճանաչել
Աբխազիան հանում է Վրաստանի հետ սահմանը հատելու ժամանակավոր սահմանափակումները
Քաղաքականություն
10.10.2019 | 15:56
Անդրկովկասում անվտանգությանն ու կայունությանը վերաբերող ժնևյան քննարկումների ժամանակ Աբխազիան հայտարարել է, որ վերացնում է Վրաստանի հետ սահմանի հատման ժամանակավոր սահմանափակումները: Ավելի վաղ դրանք սահմանվել էին՝ անվտանգության նկատառումներից ելնելով: Այս մասին գրում է kp.ru-ն՝ վկայակոչելով ՌԴ ԱԳՆ հայտարարությունը:
ՌԴ ԱԳ նախարարությունից հայտնել են նաև, որ Մոսկվան Ժնևյան քննարկումներում բարձրացրել է Վրաստանին ՆԱՏՕ ներքաշելու հարցը:
«Բացառությամբ Ցնելիս բնակավայրի շրջանի և մի շարք այլ խնդրահարույց հատվածների՝ Վրաստանի հետ Աբխազիայի և Հարավային Օսիայի սահմանային մյուս շրջաններում իրավիճակը կայուն է համարվել»,- նշել են ՌԴ ԱԳՆ-ում:
Ռուսական գերատեսչությունում նաև հայտարարել են, որ քննարկման գլխավոր թեման վրաց-հարավօսական սահմանի Ցնելիս բնակավայրի շրջանում լարվածության սրացումը: Աղբյուրի փոխանցմամբ՝ այն հրահրվել է Թբիլիսիի կողմից, երբ այս տարվա օգոստոսի վերջին վրացական Ոստիկանությունը նշված գյուղի անմիջական հարևանությամբ սահմանակետ է տեղադրել:
«Կողմերին կոչ է արվել զսպվածություն ցուցաբերել, ինչպես նաև քայլեր ձեռնարկել լարվածության թուլացման ուղղությամբ՝ օգտագործելով բանակցային մեխանիզմների շրջանակում ուղիղ երկխոսության հնարավորությունը»,- տեղեկացրել են ՌԴ ԱԳՆ-ում:
