08.11.2026 | 14:02
Կրակովում 6 մարդու սպանության մեջ կասկածվողը, հնարավոր է, սպանել է նաև ծնողներին ու քրոջը
«Էրեբունի-Երևան 2801» տոնակատարության համար շուրջ 190 մլն դրամ կծախսվի»․ Տիգրան Վիրաբյան. ՏԵՍԱՆՅՈՒԹ
Տեսանյութեր
10.10.2019 | 12:27
Այս տարի «Էրեբունի-Երևան 2801»-ի միջոցառումների կազմակերպման բյուջեն 190 մլն դրամ կկազմի։ Քաղաքապետարանը բյուջեի հարցում զիջումների չի գնալու։ Նախորդ տարի շուրջ 507 մլն դրամ է ծախսվել, չնայած՝ նախատեսված էր եղել մեկ միլիարդից ավելի։ Հայկ Մարությանի հանդիպումների ու քննարկումների արդյունքում հաջողվել էր բյուջեն էականորեն կրճատել. այս մասին այսօր՝ «Էրեբունի-Երևան 2801» տոնական միջոցառումներին նվիրված մամուլի ասուլիսի ընթացքում նշեց Երևանի քաղաքապետի տեղակալ Տիգրան Վիրաբյանը։
Նրա խոսքով՝ նախատեսված 190 մլն դրամից 128 մլն 638 հազարը բուն միջոցառումների կազմակերպման համար է։ Եվս 45 մլն 840 հազար դրամ ծախսվելու է բրենդավորման համար։
«Բրենդավորումը կազմակերպելու մրցույթում հաղթել է «Փաբլիսիս ՀԵՊՏԱ» գովազդային գործակալությունը։ Քաղաքապետարանն արդեն ընկերության հետ պայմանագիր է կնքել»,- ընգծեց Տիգրան Վիրաբյանը։
Փոխքաղաքապետը նաև հավելեց, որ «Էրեբունի-Երևան 2801»-ի համար քաղաքային իշխանությունները հատուկ հանձնաժողով են ստեղծել՝ կազմված ավագանու երեք խմբակցությունների անդամներից, որոնք ուսումնասիրել են բոլոր վարչական շրջաններում տեղադրված բեմահարթակները և ստուգելու՝ արդյոք հայտարարված պայմաններն իրականությանը համահո՞ւնչ են։
Մանրամասները՝ տեսանյութում։
Նելլի Մելքոնյան
