05.03.2026 | 15:44
Արշակ արքեպիսկոպոս Խաչատրյանը կալանքից ազատ է արձակվել․ փաստաբան
Իրանի ԶՈՒ-ն չծրագրված զորավարժություններ է սկսել Թուրքիայի հետ սահմանին
Քաղաքականություն
09.10.2019 | 16:00
Լուրեր
05.03.2026 | 15:25
Ֆիշինգային հարձակում ՔԿՀ-ների դեմ // Իրանական ԱԹՍ-ն հարվածել է Նախիջևանին․ ԼՈՒՐԵՐ
05.03.2026 | 15:05
Ինչու է ոստիկանությունը հսկում Մասյացոտնի թեմը. Փաշինյանի պարզաբանումը․ ՏԵՍԱՆՅՈՒԹ
Իրանի ԶՈՒ-ն չծրագրված զորավարժություններ է սկսել Թուրքիայի հետ սահմանին: Դրանք անցկացվում են Ուրմիա լճի շրջանում՝ Արևմտյան Ատրպատական նահանգում: Այս մասին գրում է ՏԱՍՍ-ը՝ վկայակոչելով ISNA-ն:
Զորավարժություններին մասնակցում են արագ արձագանքման ստորաբաժանումներ՝ ուղղաթիռների ներգրավմամբ: Դրանց հետևում է Իրանի ԶՈՒ գլխավոր հրամանատար Աբդուլռահիմ Մուսավին:
Վարժանքների մասին տեղեկությունը հայտնվեց լուրերի ֆոնին, որ Թուրքիայի բանակային ստորաբաժանումները հատել են Սիրիայի սահմանը: Անկարան մտադիր է այստեղ անվտանգության գոտու ստեղծմանն ուղղված գործողություն իրականացնել: Թեհրանը դեմ է արտահայտվել սիրիական տարածքում թուրքական ուժերի գործողություններին:
Թուրքիայի նախագահ Էրդողանը, հիշեցնենք, հոկտեմբերի 1-ին հայտարարել էր, որ Անկարան մտադիր է ինքնուրույն անվտանգություն գոտի ստեղծել Սիրիայում՝ Եփրատ գետից դեպի արևելք, քանի որ ցանկալի արդյունքի չի հասել ամերիկյան կողմի հետ բանակցություններում:
Հոկտեմբերի 6-ին էլ Էրդողանը հեռախոսազրույց էր ունեցել ԱՄՆ նախագահ Դոնալդ Թրամփի հետ, որից հետո Սպիտակ տունը հաղորդել էր, որ Վաշինգտոնը չի սատարի և որևէ կերպ չի մասնակցի Սիրիայի հյուսիսում Թուրքիայի ռազմական գործողությանը:
