13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
«Հյուրերը ոչ միայն վայելեցին հյուրընկալությունը, այլև զգացին՝ ինչ գունեղ է տեղի ՏՏ համայնքը». Հ. Ավոյան. ՏԵՍԱՆՅՈՒԹ
Տեսանյութեր
09.10.2019 | 12:37
Շնորհավորում եմ WCIT 2019-ի կազմակերպիչներին, ՏՏ ոլորտում սա այստեղ անցկացված ամենամեծ համաժողովն էր: Միջոցառման մասշտաբներն ազդեցիկ էին՝ բազմաթիվ այլազգի մասնակիցներ, հյուրեր, ներդրողներ, ձեռներեցներ ու սթարթափերներ Հայաստանում էին, և այդ ընթացքում նրանք ոչ միայն վայելեցին հյուրընկալությունը, այլև զգացին՝ ինչ գունեղ է այստեղի ՏՏ համայնքը: Այս մասին այսօր լրագրողների հետ զրույցում նշեց «Picsart» ընկերության համահիմնադիր և գործադիր տնօրեն Հովհաննես Ավոյանը:
«WCIT-ը մեծ ու մոտիվացող էներգիա տվեց՝ սթարթափներ ստեղծելու համար: Կարծում եմ՝ լավ նշաձող սահմանեցինք և առաջիկայում միջազգային այլ համաժողովներ կհյուրընկալենք»,- ասաց Հովհաննես Ավոյանը:
Ըստ նրա՝ տեղեկատվական տեխնոլոգիաների ոլորտը լավագույնն է, որի հետ Հայաստանը կարող է ասոցացվել:
«Շատ պատճառներ կան, որոնց համար Հայաստանը գրավիչ է՝ ոչ միայն աշխարհում սփռված հայերի, այլև օտարազգիների համար, և դրանցից մեկն այստեղի տեխնոլոգիական ոլորտն է: Այս ոլորտը ո՛չ զբոսաշրջության, ո՛չ էլ գյուղատնտեսության մասին է, այն մտքի ուժի մասին է: Եթե կարողանանք աշխարհին ապացուցել, որ ունակ ենք համաշխարհային մակարդակի ընկերություններ ու ապրանքներ ստեղծել, ապա կլինեն ավելի շատ ներդրումներ, նոր աշխատատեղեր և Հայաստանի համար վարկանիշային նոր ցուցանիշ»,- եզրափակեց «Picsart» -ի գործադիր տնօրենը:
Մանրամասները՝ տեսանյութում:
Նելլի Մելքոնյան
