13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Վրաստանի նախագահը պետք է ներողություն խնդրի. ՌԴ Պետդումայի խոսնակ
Քաղաքականություն
08.10.2019 | 16:57
Ռուսաստանի Պետդումայի խոսնակ Վյաչեսլավ Վոլոդինի հայտարարությամբ, Վրաստանի նախագահ Սալոմե Զուրաբիշվիլին պետք է իր հայտարարությունները մերժի. գրում է aliq.ge-ն:
«Ազդանշանը մեկը պետք է լինի ամեն դեպքում, Վրաստանի նախագահը, ով հրապարակային հայտարարեց, որ Ռուսաստանն ագրեսոր երկիր է, այս բառերը պետք է մերժի, ներողություն խնդրի և իր դիրքորոշումը բացատրի»,- «Ռուսիա 24»-ի հետ զրույցում հայտարարել է Վոլոդինը:
Դումայի խոսնակի խոսքերով, վերջին ժամանակահատվածում Վրաստանի հետ հարաբերությունների բարելավում էր նկատվում, սակայն «որոշներին անհրաժեշտ եղավ Թբիլիսիի հետ կոնֆլիկտ ստեղծել», երբ Ռուսաստանի պատվիրակությունը մեկնեց Վրաստան Ուղղափառության միջխորհրդարանական ասամբլեային մասնակցելու համար:
Վոլոդինի խոսքով, Վրաստանի նախագահը փոխանակ կատարվածը դատապարտեր՝ ասելով, որ այսպես չի կարելի, նա Ռուսաստանին ագրեսոր անվանեց:
