13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Ադրբեջանի վարչապետը հրաժարական է տվել. Ալիևը նոր թեկնածու է առաջադրել
Քաղաքականություն
08.10.2019 | 12:30
Ադրբեջանի վարչապետ Նովրուզ Մամեդովն այսօր հրաժարականի դիմում է ներկայացրել: Այս մասին հաղորդում են ադրբեջանական լրատվամիջոցները։
72-ամյա Մամեդովը վարչապետի պաշտոնում նշանակվել էր 2018 թվականին: Հետաքրքիր է, որ Մամեդովի՝ պաշտոնից ազատման հրամանը դեռ ստորագրված չէ:
Միաժամանակ, Իլհամ Ալիևը վարչապետի պաշտոնում առաջադրել է տնտեսական հարցերով իր օգնական Ալի Ասադովի թեկնածությունը։ Նոր վարչապետի ընտրության հարցը ներառված է Միլի Մեջլիսի այսօրվա նիստի օրակարգում։
Նշենք, որ Ալի Ասադովը 1995 թվականին ընտրվել է Մեջլիսի պատգամավոր։ 1998-ին նա նշանակվել է Ադրբեջանի նախագահի՝ տնտեսական հարցերով օգնական, իսկ 2012-ին՝ նախագահի աշխատակազմի ղեկավարի տեղակալ։
