13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Հայաստանը Վրաստանից առաջ է. Մամուկա Խազարաձեն խոսել է Վրաստանի տնտեսության մասին
Քաղաքականություն
04.10.2019 | 13:01
«2012 թվականին ես նույնպես աջակցել եմ «Վրացական երազանքին», հույսեր ունեի»,- այս մասին հայտարարել է «Լելո» քաղաքացիական շարժման հիմնադիր, TBC բանկի համահիմնադիր Մամուկա Խազարաձեն. գրում է aliq.ge-ն:
Վերջինս հավելել է, որ պատրաստ է երկրի տնտեսական վիճակի հետ կապված բանավիճի:
«Մենք բոլոր պարամետրերով հետ ենք գնում և սա ասում եմ ամբողջ պատասխանատվությամբ: Եթե ինչ-որ մեկը կցանկանա այս հարցով բանավիճել, պատրաստ եմ, թեկուզ նույն Բիձինա Իվանիշվիլիին թվերով ասել, թե ուր է տարել այս երկիրը իր ոչ պատշաճ կառավարմամբ»,- հայտարարել է Խազարաձեն:
Նա նաև Վրաստանի տնտեսությունը համեմատել է հարևան երկրների տնտեսությունների հետ և նշել, որ Հայաստանի ազգային դրամը դոլարի նկատմամբ արժեզրկվել է 20 տոկոսով, իսկ լարին` 70:
«Հայաստանը մեզնից առաջ է: Դիրքերը կորցրել ենք և երբեք չենք հասնի ոչ մեկի, եթե լինենք այս կառավարության ձեռքում»,- նշել է Խազարաձեն:
