08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
Ես չեմ պատրաստվում ներողություն խնդրել Արփինե Հովհաննիսյանից. Անդրանիկ Քոչարյան. ՏԵՍԱՆՅՈՒԹ
Տեսանյութեր
03.10.2019 | 11:44
Զարմանալի է, որ թեման ձեզ մոտ հետաքրքրություն է առաջացրել վերնագրի հետ կապված: Եթե հարցազրույցի բովանդակային մասը նայել եք, պետք է, այնուամենայնիվ, տեսնեք, դրա բովանդակային ամբողջ խորությունը: ԱԺ-ում լրագրողների հետ զրույցում այս մասին ասաց «Իմ քայլը» խմբակցության պատգամավոր Անդրանիկ Քոչարյանը՝ անդրադառնալով արդարադատության նախկին նախարար Արփինե Հովհաննիսյանի մասին իր աղմկահարույց արտահայտությանը:
«Ես հարցին պատասխանել եմ՝ դրան նախորդած 24news-ում տիկին Արփինե Հովհաննիսյանի՝ մեր արդարադատության նախկին նախարարի հարցազրույցի մեջ իմ անունը հոլովելուն: Իհարկե, ինքն ասաց՝ որպես օրինակ կամ պայմանականորեն: Ես էլ հակադարձել եմ այդ փոքր բանով, պայմանականորեն իմ անունը հոլովելու փոխարեն կարող էր այլ անուն հոլովել, ենթադրենք՝ մայրիկի կամ ընտանիքի այլ անդամի կամ իր, եթե խոսքը վերաբերում է նախկինում հայտարարագրված ունեցվածքին: Իմ ունեցվածքի հայտարարագիրը դրված է կայքերում, կարող են հանգիստ նայել: Եվ Արփինե Հովհաննիսյանն էլ իր պաշտոնավարման կարող էր ամեն ինչին ծանոթ լինել»,- ասաց պատգամավորը:
Հարցին՝ ի՞նչ է ունեցել ասել՝ «անհայտ հոր» նշելով, Քոչարյանը պատասխանեց. «Անհայտ՝ նշանակում է՝ հասարակությանը ոչ հայտնի: Եթե հիմա պարզվեց… պարզվում է՝ երեկ ամբողջ ֆեյսբուքը փնտրում էր և ոնց որ թե հայտնաբերեց: Անհայտն արդեն հայտնի է»:
Անդրանիկ Քոչարյանը, միաժամանակ, հայտարարեց, որ չի պատրաստվում ներողություն խնդրել Հովհաննիսյանից:
Մանրամասները՝ տեսանյութում:
