Հասարակություն
02.10.2019 | 17:38Ի՞նչ ձեռքբերումներ ունեցանք ԵՏՄ Բարձրագույն խորհրդի նիստի արդյունքում, ի՞նչ նոր հնարավորություններ են բացվում մեր երկրի առջև և արդյո՞ք ինչ-որ խնդրահարույց հարցեր եղել են: Ազգային ժողովում այսօր Կառավարության հետ հարցուպատասխանի ժամանակ հետաքրքրվեց «Իմ քայլը» խմբակցության պատգամավոր Միքայել Զոլյանը:
Վարչապետ Նիկոլ Փաշինյանը հիշեցրեց, որ այս տարի ԵՏՄ-ում նախագահում է Հայաստանը՝ կարծիք հայտնելով, որ հոկտեմբերի 1-ին Երևանում անցկացված գագաթնաժողովը մեր երկրի նախագահության գագաթնակետը դարձավ:
«Կարող եմ արձանագրել, որ ԵՏՄ շրջանակում նման մասշտաբային միջոցառում տեղի չէր ունեցել, և այն մեր կողմից կազմակերպելը, կարծում եմ, ևս մեկ անգամ եկավ ապացուցելու, որ մենք իսկապես բոլոր ջանքերը գործադրում ենք, որպեսզի ԵՏՄ-ն դառնա ավելի արդյունավետ կառույց և մեր անդամակցությունը լինի առավել արդյունավետ»,- հավելեց նա:
Պատգամավորին հետաքրքրում էր նաև, թե «ի՞նչ պայմաններում է եղել աշխարհահռչակ սելֆին»: Վարչապետն արձագանքեց. «Այդտեղ պատմելու ի՞նչ կա: Հանել ենք, նկարվել ենք…: Եթե նկատի ունեք միջավայրը, ընդունված պրակտիկա է, երբ երկրների ղեկավարները պետք է միասին ինչ-որ միջոցառման մասնակցեն, միևնույն տրանսպորտային միջոցով են տեղաշարժվում, դա ընդունված պրակտիկա է և ոչ մի արտառոց բան տեղի չի ունեցել»:
Մանրամասները՝ տեսանյութում:
