12.01.2026 | 12:21
Ուրբաթ օրվանից Իրանից տեղեկություն չունենք, դա մեզ շատ է անհանգստացնում․ Սինանյան․ ՏԵՍԱՆՅՈՒԹ
Ճարտարագիտական համալսարանի ռեկտորի ատենախոսության մեջ գրագողության դեպքեր կան. Անի Սամսոնյան. ՏԵՍԱՆՅՈՒԹ
Հասարակություն
02.10.2019 | 17:17
ԱԺ-ում Կառավարության հետ հարցուպատասխանի ժամանակ ԼՀԿ խմբակցության պատգամավոր Անի Սամսոնյանը ԿԳՄՍ նախարար Արայիկ Հարությունյանին առաջարկեց վերացնել խտրական մոտեցումը ռեկտորների նկատմամբ և ուսումնասիրել բոլոր ռեկտորների ատենախոսությունները:
«Ես իմ ձեռքի տակ ունեմ փաստեր, որ, օրինակ, Ճարտարագիտական համալսարանի ռեկտոր Գագիկ Գալստյանի ատենախոսության մեջ կան գրագողության դեպքեր 50 դրվագով, և այսօր Տնտեսագիտական համալսարանի շրջանավարտները բողոքում են այն փաստից, որ Ռուբեն Հայրապետյանի դոկտորական ատենախոսությունում հայտնաբերել են փաստեր, սակայն այս պահին այդ ուսանողներն աշխատել են և իրենք են հայտնաբերել փաստեր ժամանակավոր պաշտոնակատար Դիանա Գալոյանի աշխատությունում»,- ասաց նա:
Նախարար Արայիկ Հարությունյանը նշեց, որ կա խնդիր, և պետությունը նման լիազորություն չունի անցկացնելու արդեն իսկ պաշտպանված ատենախոսությունների ուսումնասիրություն, եթե կոնկրետ փաստեր չկան կոնկրետ ատենախոսությունների հետ կապված:
«Մենք ստացել էինք հանձնարարական Ռուբեն Հայրապետյանի աշխատանքի հետ կապված, ստեղծվել էր հանձնաժողով՝ թե՛ շահագրգիռ կողմերի, թե՛ անկախ մասնագետների մասնակցությամբ, և տվյալ հանձնաժողովը վերհանել էր մի շարք լրջագույն խնդիրներ: Երկրորդ դեպքի հետ կապված՝ էլի հանձնաժողով է ստեղծվել, էլի եզրակացությունը տվել են: Ինչ վերաբերում է Տնտեսագիտական համալսարանի ներկայիս ԺՊ-ին, Դուք ասում եք՝ աշխատության հետ կապված բողոք, բայց բողոք եղել է ոչ թե դոկտորական աշխատանքի, այլ երեք հոդվածի հետ կապված: Մի քանի օր առաջ իմ հրամանով ստեղծվել է հանձնաժողով, և այդ հանձնաժողովը մոտակա օրերին կտա իր եզրակացությունը»,- ասաց նախարարը:
Արայիկ Հարությունյանը նշեց, որ այստեղ իրականում համակարգային լուծման հարց կա. «Այս հարցը քննարկել ենք ԱԺ մեր պրոֆիլային հանձնաժողովում և մի քանի տարբերակներ կան: Օրինակ՝ առաջարկություններ կան, որ այո՛, մինչև հիմա գրված ատենախոսությունները՝ կլինեն դրանք թեկնածուական, թե դոկտորական, անդրադառնանք բոլորին կամ գիծ քաշենք ու ասենք, որ այսուհետ բոլոր ատենախոսությունները համապատասխան համակարգի միջոցով են գրաքննվելու: Կամ ունենանք մի համակարգ, երբ կունենանք պաշտոնացանկ և այդ պաշտոններին անցնող համապատասխան աշխատանքներն անպայման ուսումնասիրվեն և վերհանվեն խնդիրները»:
Մանրամասները՝ տեսանյութում:
