06.06.2026 | 15:15
Մոտ 100 ընտրողի տրվել է 100 հազարից մինչև 500 հազար դրամ ընտրակաշառք․ 40 անձ ձերբակալվել է
«Հայրենադարձված 1000 ընտանիքի բնակարան գնելիս հիփոթեքային օգնություն կտրվի». Հովհաննես Ալեքսանյան. ՏԵՍԱՆՅՈՒԹ
Հասարակություն
02.10.2019 | 12:52
Կարող է ստեղծվել տպավորություն, որ հայրենադարձության գործընթաց այս տարիներին չի իրականացվել, սակայն դա այդպես չէ։ 2008 թվականից լայն թափ հավաքած երկքաղաքացիության ընդուման ներդրումը մեծ օգուտ է բերել Հայաստանին։ Ժամանակին դա քննադատվել է, բայց վերջին 10-11 տարիներին ավելի քան 100 հազար ՀՀ քաղաքացի երկքաղաքացիություն է ստացել։ Այս մասին այսօր՝ «Հայաստանի սոցիալ-ժողովրդագրական վիճակի բարելավման հիմնախնդիրներն ու ռազմավարությունը» թեմայով քննարկման ընթացքում նշեց Սփյուռքի գործերով գլխավոր հանձնակատարի գրասենյակի Հայրենադարձության բաժնի պետ Հովհաննես Ալեքսանյանը։
Խոսելով ՀՀ քաղաքացիներին Հայաստան վերադարձնելու զանգվածային գործընթացի խոչընդոտներից, Հովհաննես Ալեքսանյանը նշեց․ «Դրանք սոցիալ-տնտեսական այն հիմնախնդիրներն են, որոնք Հայաստանում լուծված չեն․ այսինքն՝ բնակարանի, աշխատատեղի, վարկավորման և կրթական խնդիրները»։
Սփյուռքի գործերով գլխավոր հանձնակատարի գրասենյակի հայրենադարձության բաժնի պետը հավելեց, որ հայրենադարձությանը միտված նոր ծրագիր են նախատեսում․ «Հիփոթեքային ծրագիր է, որը կոչվում է «Օջախ»։
Մենք ունենք նախնական համաձայնություն, որ ծրագիրը կներառի 1000 հայրենադարձ ընտանիք, որոնց հնարավորություն կտրվի պետական միջոցների սուբսիդավորման միջոցով բնակարանային խնդիր լուծել մայրաքաղաք Երևանում և Հայաստանի մարզերում»:
Մանրամասները՝ տեսանյութում:
Նելլի Մելքոնյան
