19.04.2026 | 20:00
«Վանդալիզմ»-ի ու «ամեն ինչ նորմալ է»-ի միջև. ի՞նչ կատարվեց Ծիծեռնակաբերդում․ ՏԵՍԱՆՅՈՒԹ
Արդարացի չէ, որ լինի 55.000 դրամ աշխատավարձ, եթե անգամ այդ աշխատանքով զբաղվողը հավաքարարն է. Վարազդատ Կարապետյան. ՏԵՍԱՆՅՈՒԹ
Հասարակություն
02.10.2019 | 12:44
ԱԺ-ն «Իմ քայլը» խմբակցության երեք պատգամավորներ առաջարկում են նվազագույն աշխատավարձը 55.000 դրամից հասցնել 68.000-ի: ԲՀԿ խմբակցության պատգամավոր Վարդևան Գրիգորյանը հիմնական զեկուցող Վարազդատ Կարապետյանին հարցրեց՝ ի՞նչ ռեսուրսների հաշվին են բարձրացվելու աշխատավարձերը, արդյո՞ք մասնավոր հատվածում բարձրացել է շահութաբերությունը և ինչքանով բարձրացումը կազդի գնաճի վրա:
«Հարկային դաշտի փոփոխությունները բավարար ռեսուրսներ կթողնեն ձեռնարկություններին, որ նրանք կարողանան այս ծախսերը անել: Մարդիկ անարդարացիորեն ցածր են վարձատրվում, այն աշխատանքը, որն անում են, համարժեք չէ 55.000 դրամին, և նրանք պետք է ավելի բարձր վարձատրվեն: Սա նաև աշխատողների իրավունքները պաշտպանելուն ուղղված գործողություն է»,- ասաց Կարապետյանը:
Նրա խոսքով՝ մեկ աշխատողի օրական վճարը ստվերային շուկայում 5.000 դրամից պակաս չէ, հետևաբար՝ 55.000 դրամն անարդարացիորեն ցածր է՝ հաշվի առնելով, թե ինչ շահույթ են գեներացնում այդ ձեռնարկությունները. «Արդարացի չէ, որ լինի 55.000 դրամ աշխատավարձ, անգամ եթե այդ աշխատանքով զբաղվողը հավաքարարն է: Չեմ մտածում, որ ձեռնարկությունները ազատելու են աշխատակիցներին, տանելու են ստվեր»:
Մանրամասները՝ տեսանյութում:
