06.06.2026 | 20:00
Ում ենք ընտրում չընտրելով․ քվեարկության չԳնալու ՇԵՐՏԵՐԸ. ՏԵՍԱՆՅՈՒԹ
ԵՏՄ-ն ու Սինգապուրը կնքեցին ազատ առևտրի մասին համաձայնագիր. ՏԵՍԱՆՅՈՒԹ
Տնտեսություն
01.10.2019 | 17:51
Եվրասիական տնտեսական միությունը և Սինգապուրը Երևանում ընթացող Եվրասիական բարձրագույն տնտեսական խորհրդի նիստի շրջանակում կնքեցին ազատ առևտրի մասին համաձայնագիր։ Նկատենք, որ այս ամսվանից ուժի մեջ է մտնում նույնաբովանդակ համաձայնագիր ԵՏՄ-ի ու Իրանի հետ, ավարտին են մոտեցել նաև Սերբիայի հետ համաձայնագրի բանակցությունները։
Իր հերթին Հայաստանը տնտեսական համագործակցության մասին առանձին համաձայնագիր կնքեց Սինգապուրի հետ։ Ինչպես հայտնի է՝ Հայաստանում է Սինգապուրի վարչապետ Լի Սյեն Լունը։ Սինգապուրի վարչապետ Լի Սյեն Լունը վարչապետ Փաշինյանը հետ բանակցություններին հաջորդած ասուլիսում ասել է, թե ուրախ է, որ այս համաձայնագրերը կնքվելու են ԵՏՄ-ում Հայաստանի նախագահության ընթացքում։ Սինգապուրի վարչապետն ասել է, որ համաձայնագիրը կարող է ճանապարհ հարթել Եվրասիական տնտեսական միության և ASEAN-ի՝ Հարավարևելյան Ասիայի երկրների ասոցիացիայի միջև համագործակցության համար, որի անդամ է նաև Սինգապուրը: Համաձայնագրերի շուրջ բանակցությունները տևել են երկու տարի և անցել են յոթ փուլով:
