13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Համաշխարհային բանկը պատրաստակամ է համատեղ ջանքերով հասնել ջրամատակարարման համակարգի բարեփոխումների իրականացմանը
Տնտեսություն
25.09.2019 | 19:49
ՀՀ տարածքային կառավարման և ենթակառուցվածքների նախարարությունից տեղեկացնում են, որ նախարարի տեղակալ Վաչե Տերտերյանն այսօր ընդունել է Համաշխարհային բանկի (ՀԲ) պատվիրակությանը՝ Դավիդ Միշոյի գլխավորությամբ:
«Ողջունելով հյուրերին՝ Վ. Տերտերյանը կարևորել է Հայաստանում ոռոգման համակարգերի արդիականացմանն ու կառավարման բարելավմանն ուղղված ՀԲ-ի աջակցությամբ իրականացվող ծրագրերը և նկատել, որ ՀՀ կառավարությունը շահագրգռված է բանկի հետ ենթակառուցվածքների զարգացմաննն ուղղված ծրագրերի արդյունավետ իրագործմամբ:
ՀԲ-ի պատվիրակությունը շնորհակալություն է հայտնել հանդիպման համար և նշել ՀԲ-ի պատրաստակամության մասին՝ համատեղ ջանքերով հասնելու ջրամատակարարման համակարգի բարեփոխումների իրականացմանը:
Հանդիպմանը քննարկվել է ՀԲ-ի աջակցությամբ «ՋՏԾԻԳ» ՊՀ-ի կողմից իրականացվող Ոռոգման համակարգերի արդյունավետության բարձրացման ծրագրի կատարման ընթացքը: Մասնավորապես ՝ զրուցակիցները մտքեր են փոխանակել Ոռոգման համակարգերի բարելավման բաղադրիչով կառուցված ինքնահոս համակարգերի շահագործմանը վերաբերող հարցերի շուրջ: Պայմանավորվածություն է ձեռք բերվել ի հայտ եկած ընթացիկ խնդիրները քննարկել շահագրգիռ կառույցների հետ և լուծման արդյունավետ տարբերակներ նախանշել»,- ասված է հաղորդագրությունում:
