Քաղաքականություն
12.05.2017 | 19:13
Գերմանիայի կանցլեր Անգելա Մերկելը Ֆրանսիայի նորընտիր նախագահ Էմանուել Մակրոնին մայիսի 15-ին հրավիրել է Բեռլին. տեղեկացնում է ТАСС-ը:
«Հանդիպումը տեղի կունենա օրվա երկրորդ կեսին, հստակ ծրագիր դեռևս չկա, դրա մասին լրացուցիչ կհայտարարենք», – ասել է ԳԴՀ-ի կառավարության պաշտոնական ներկայացուցիչ Շտեֆեն Զայբերտը:
Ավելի վաղ Մակրոնը հայտարարել է, որ պետության ղեկավարի պաշտոնում իր առաջին այցը պլանավորում է կատարել Բեռլին:
Ինչպես սպասվում է ընտրություններում հաղթած «Հառաջ, հանրապետություն» շարժման առաջնորդի երդմնատվության արարողությունը տեղի կունենա մայիսի 14-ին:
