15.10.2026 | 15:19
Մասուդ Փեզեշքիանը կժամանի Հայաստան՝ մասնակցելու COP17-ին
ՄԽ-ն չի հանձնվում և կայուն խաղաղության ուղիներ է փնտրում. Ռիչարդ Հոգլանդ
Քաղաքականություն
12.05.2017 | 17:27
Մինսկի խումբը չի հանձնվում և կայուն խաղաղության ուղիներ է փնտրում։ Այս մասին հայտարարել է ԵԱՀԿ Մինսկի խմբի ամերիկացի համանախագահ Ռիչարդ Հոգլանդը՝ ելույթ ունենալով Վաշինգտոնում կազմակերպված «Հայ-ադրբեջանական հակամարտության միջազգային քաղաքականությունը» խորագրով համաժողովին։
Հոգլանդը տեղեկացրել է, որ ԵԱՀԿ Մինսկի խմբի համանախագահները հունիսին կամ հուլիսի սկզբին կայցելեն տարածաշրջան: Նա նաև նշել է, որ Մինսկի խումբը կցանկանար որքան հնարավոր է շուտ դառնալ Հայաստանի և Ադրբեջանի նախագահների հանդիպման վկան:
«Անհրաժեշտ է հակված մնալ պայմանավորվածություններին, որոնք ձեռք են բերվել 2016թ. Վիեննայում և Սանկտ Պետերբուրգում երկու երկրների առաջնորդների հանդիպմանը»,- ասել է համանախագահը, ապա հավելել, որ Մինսկի խումբը հիմնվում է երեք հիմնարար սկզբունքների վրա՝ ուժի չկիրառում, տարածքային ամբողջականություն և ազգերի ինքնորոշում։
