30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
«ՀԺ»-ի ևս մեկ լրագրող է բռնության ենթարկվել, այս անգամ Կոմիտասի պողոտայի՝ Տարոն Մարգարյանի շտաբում․ armtimes.com
12.05.2017 | 15:05
Կոմիտասի պողոտայում գտնվող Տարոն Մարգարյանի շտաբի ներսում armtimes.com-ի թղթակիցը ականատես է եղել հետևյալ տեսարանի. շտաբի մեջ 20 հոգի կանգնած են եղել, մի քանի հոգի նստած և սեղանին նրանց առջև ինչ-որ ցուցակներ են դրված եղել, ազգանուններ հնչել․ տեղեկացնում է armtimes.com-ը։
Շտաբի անդամները նկատելով, որ այլ անձ կա տարածքում պահանջել են դուրս գալ շտաբի տարածքից պնդելով, որ մասնավոր տարածք է: Այնուհետու բռնությամբ հեռացրել են լրագրողին սենյակից, փորձել են նաև հեռախոսը խլել:
Դրանից հետո շտաբի դռները փակվել են, ամրակազմ մի քանի տղամարդ այս պահին հսկում է մուտքը:
Լրագրողը դիմել է ոստիկանություն, որտեղից ասել են, որ հաղորդումը ընդունված և ոստիկանները գալիս են դեպքի վայր:
Հիշեցնենք, որ երեկ «Հայկական ժամանակը»՝ օրաթերթի լրագրող Աննա Զախարյանը երեկոյան տուն գնալիս տեսել էր, թե ինչպես են Արարատյան զանգվածի Կուրղինյան փողոցում գտնվող Տարոն Մարգարյանի նախընտրական շտաբում 20 հազարական դրամ ու քվեարկած թերթիկներ բաժանում: Երբ լրագրողը սկսել էր տեսանկարահանել, «թաղի լավ տղաները» բռնությամբ նրանից խլել էին հեռախոսն ու ջնջել ամբողջ պարունակությունը:
