01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
ԵՐԵՎԱՆԻ ԺԱՄԱՆԱԿՈՎ. 26 տարի անց մեր երկիրը չպետք է կանգնած լիներ արտագաղթի, մենաշնորհի և կոռուպցիայի առաջ․ Կարինե Խոդիկյան
Հաղորդաշարեր
21.09.2017 | 17:15
«Անկախ Հայաստանի առաջին ձեռքբերումը ազատագրված Արցախն է, մեր լեզուն պահպանելը, նաև այն, որ ազերիներով բնակեցված Խորհրդային Հայաստանի տեղավայրերը մաքրեցինք»,- նման կարծիք է հայտնում դրամատուրգ, արձակագիր Կարինե Խոդիկյանը՝ Factor.am-ի «Երևանի ժամանակով» զրուցաշարի շրջանակում։
Ինչ վերաբերում է 26 տարվա ընթացքում մեր ունեցած կորուստներին, դրամատուրգը դրանցից առանձնացնում է ամենատագնապալին՝ արտագաղթը․ «Այսօր սահմանամերձ շրջաններում դպրոցներ են փակվում, դա նշանակում է, որ մեր սահմանն է թուլանում։ Իսկ արտագաղթի պատճառը արդարության պակասն է»։
Կարինե Խոդիկյանն անկեղծանում է՝ թեև այսօր տոն է, սակայն ինքը չունի տոնի զգացողության այն չափաբաժինը, որի մասին երազել էր դեռ 1991-ին․ տոն՝ ոչ թե ռոմանտիկայի շղարշով, այլ տիրոջ ինքնավստահությամբ․«26 տարի անց մեր երկիրը չպետք է ունենար մարտահրավերներ, որոնք դարձել են դատավճիռ, չպետք է կանգնած լիներ արտագաղթի, մենաշնորհի, կոռուպցիայի առջև․ դա է տագնապալին և ցավալին»։
Հարցին, թե ինչ պետք է անի Հայաստանի քաղաքացին, որպեսզի հաջորդ տարի ավելի մեծ խանդավառությամբ նշի անկախության տոնը, Կարինե Խոդիկյանը պատասխանում է․ «Ես պետք է ասեմ, որ մեր ժողովուրդը շատ լավն է, նա դիմացավ պատերազմին, ցրտին, էներգետիկ ճգնաժամին, այսօր էլ նվազագույն աշխատավարձով վաղվա զինվոր է մեծացնում։ Ժողովրդին բան չասեք, ինչքան էլ ասեն, որ քաղաքացիական հասարակություն ձևավորելու խնդիր ունենք, ում որ տրված է իշխանություն, ով ձեռքը Սահմանդրության վրա դնելով է երդվում, ով պետության ղեկին է կանգնում, նրանից պահանջելու շատ բան ունենք»։
Մանրամասները՝ տեսանյութում։
Աննա Բաբաջանյան
