01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Եթե կարելի է տուրիստների հետ ժողովրդավար խաղալ, կարելի է նաև դուրս գալ բողոքողների առաջ․ ՏԵՍԱՆՅՈՒԹ
Քաղաքականություն
19.08.2019 | 14:01
Կարծում եմ, որ Հայաստանում պետք է հանքարդյունաբերության հետ կապված համապարփակ հայեցակարգ մշակվի և առաջնային դիտարկվի մարդու առողջությունը: Factor.am-ի հետ զրույցում այս մասին նշեց իրավապաշտպան Զարուհի Հովհաննիսյանը:
«Մենք շատ լավ գիտենք, որ Հայաստանում բավական խոցելի կետեր կան, ու ևս մեկ նման խոցելի վայր բացել, այն էլ՝ Ջերմուկում, դա առաջին հերթին Հայաստանի քաղաքացիներին է վնասելու»,- ասաց Զարուհի Հովհաննիսյանը:
Նա ասաց՝ հանրությունը չի ցանկանում, որպեսզի ներկա իշխանությունը նախկինների նման վարվի և «մանիպուլյացիոն փորձաքննություններով կամ դրանք ժողովրդին ոչ այնքան թափանցիկ ներկայացնելով՝ կարողանա բացել ևս մեկ հանք, որը ՀՀ քաղաքացիների առողջության վրա կազդի»:
Զարուհի Հովհաննիսյանը նշեց, որ բազմիցս բարձրացրել են անպատասխանատու հանքարդյունաբերության խնդիրը, սակայն որևէ գործուն քայլ չի արվել: «Եթե կարելի է գնալ, տուրիստների հետ ավտոբուսում ժողովրդավար խաղալ, հաստատ կարելի է նաև դուրս գալ այն հանրության մոտ, որը բողոքարկում է հանքարդյունաբերության հետ կապված ցանկացած խնդիր, որը ոչ միայն մարդու իրավունքների խնդիր է, այլ ընդհանրապես Հայաստանի՝ որպես առողջ միջավայր ձևավորող պետության խնդիր է»,- հայտարարեց իրավապաշտպանը:
Մանրամասները՝ տեսանյութում:
