«Ինձ զրպարտել են և շարունակում են զրպարտել». Նունե Եսայանը՝ Գյումրիում իր համերգը բոյկոտելու առաջարկ անողներին

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Գյումրու օրվան նվիրված համերգի շուրջ ֆեյսբուքում աղմուկ է բարձրացել: Պատճառն այն է, որ համերգին երգելու է ՀՀ վաստակավոր արտիստ Նունե Եսայանը: Ֆեյսբուքյան օգտատերերը մեջբերումներ են կատարում երգչուհու 2008 թվականի Մարտի մեկի դեպքերից հետո արված հայտարարությունից:

Մասնավորապես, օգտատերերը պնդում են, որ նա ասել է. «Մարտի 1-ի զոհերը իրենք են մեղավոր, որ զոհվել են, թող չգնային հանրահավաք, չէին զոհվի»:

Ֆեյսբուքում հնչում են առաջարկներ, որ Նունե Եսայանի համերգի ժամանակ պետք է այս գրությամբ պաստառներով ներկայանալ՝որպես բողոքի նշան:

Factor.am-ի հետ զրույցում Նունե Եսայանը  վստահեցրեց, որ, անկախ իրավիճակից, մասնակցելու է համերգին, իսկ իր դեմ ակցիա իրականացնողների մասին էլ ասաց. «Աստված իրենց հետ, Աստված է պատժում բոլորին: Աստված պատժելու է նրանց, ովքեր որ վատ բան են անում: Եթե ես էլ եմ վատ բան արել, թող ինձ էլ պատժի: Դուք այդ հայտարարությունն իմ շուրթերից լսե՞լ եք: Ինձ զրպարտել են և շարունակում են զրպարտել»:

Ի դեպ, վերջերս հասարակական աղմուկից հետո մեկ այլ վաստակավոր արտիստ՝ Ռազմիկ Ամյանը, հրաժարվեց համերգին ներկայանալուց: Խոսքը Հարութ Փամբուկչյանի  «30 տարի անց»  համերգի մասին է, որին նախորդել էր Ռազմիկ Ամյանի կողմից Սերժ Սարգսյանին նվիրված երգի պրեմիերան:

Հավելենք, որ Գյումրու օրվան նվիրված միջոցառումներն այս տարի տեղի են ունենալու օգոստոսի 25-ին: Ավագանու որոշմամբ՝ համայնքային բյուջեից միջոցառմանը հատկացվել է 8 մլն դրամ, որից 1 միլիոնը տրվելու է Նունե Եսայանին: Նա այդ  գումարը բարեգործական նպատակներով է ծախսելու․ փոխանցելու է Գյումրու թիվ 1 Արվեստի դպրոցին՝ երաժշտական գործիքներ ձեռք բերելու նպատակով:

Նունե Եսայանի ընտրության հետ կապված Factor.am-ը փորձեց պարզաբանում ստանալ նաեւ Գյումրու քաղաքապետարանից: Մշակույթի եւ երիտասարդության հարցերի բաժնից փոխանցեցին, որ հարցերին կպատասխանեն, եթե քաղաքապետի խոսնակի թույլտվությունը լինի: Սամվել Բալասանյանի խոսնակը Factor.am-ին փոխանցեց, որ ընդմիջումից հետո կփորձի կազմակերպել հարցազրույցը, սակայն ընդմիջման ավարտից հետո էլ ասաց, որ տեղեկություններ կտրամադրվեն  ավելի ուշ։

Գյումրու ավագանու մշակույթի, կրթության, սպորտի եւ սոցիալական հարցերի հանձնաժողովի նախագահ, ավագանու անդամ Մխիթար Սահակյանը եւս տեղյակ չէր, թե Նունե Եսայանի ընտրությունը ինչպես է կայացել: Նա նշեց, որ արձակուրդում է:

Լուսանկարը՝ Նունե Եսայանի ֆեյսբուքյան էջի

 

Նարեկ Կիրակոսյան