27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Պարտադիր ժամկետային զինծառայողներին տրվող գումարը բարձրացվեց 2 հազար դրամով․ ՏԵՍԱՆՅՈՒԹ
Քաղաքականություն
08.08.2019 | 12:13
Կառավարության այսօրվա որոշմամբ՝ պարտադիր ժամկետային զինծառայողների դրամական ապահովության ամսական չափերը, հակառակորդի հետ անմիջական շփման պայմաններում մարտական հերթապահություն իրականացնող զորամասերի անձնակազմի համար, կավելանա 2.000 դրամով, իսկ մնացած զորամասերի համար` 1.000 դրամով: Կառավարության նիստի ժամանակ հարցը զեկուցեց պաշտպանության նախարար Դավիթ Տոնոյանը:
ՀՀ ԶՈւ գլխավոր շտաբում կատարված ուսումնասիրություններով պարզվել է, որ պարտադիր ժամկետային զինծառայողների համար սահմանված դրամական ապահովության չափերը 2009 թվականից փոփոխություն չեն կրել և հաջորդող տարիներին արձանագրված շարունակական գնաճի հետևանքով չեն բավարարում անձնական հիգիենայի և առաջին անհրաժեշտության այլ պարագաներ գնելու համար (օրինակ՝ անձնական հիգիենայի պարագաների մասով գնաճը կազմել է շուրջ 33%), ինչը լրացուցիչ ֆինանսական ծանրաբեռնվածություն է առաջացնում զինծառայողների ընտանիքների համար:
Մանրամասները՝ տեսանյութում:
Նարեկ Կիրակոսյան
