16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Ճարտարապետ Բոգդան Կիրակոսյանին նվիրված հուշատախտակի բացման վերաբերյալ
07.08.2019 | 20:19
Օգոստոսի 6-ին Բաթումի կենտրոնում՝ Ռուսթավելի փողոցում գտնվող տան պատին բացվեց հուշատախտակ՝ նվիրված բաթումահայ հանրահայտ ճարտարապետ, Աջարիայի ԻՀ վաստակավոր ճարտարապետ Բոգդան Կիրակոսյանին:
Հուշատախտակի պատրաստումն ու տեղադրումն իրագործվել է ճարտարապետի ժառանգների ջանքերի և Բաթումի քաղաքապետարանի, Աջարիայի ճարտարապետների միության, հայկական համայնքային կառույցների աջակցության շնորհիվ:
Բացման արարողությանը Բոգդան Կիրակոսյանի կյանքի և գործունեության մասին խոսքով հանդես եկան նրա դուստր Գայանե Կիրակոսյանը, Բաթումի քաղաքապետ Լաշա Կոմախիձեն, Բաթումում ՀՀ գլխավոր հյուպատոս Եղիշե Սարգսյանը, Աջարիայի ճարտարապետների միության նախագահ Ռեվազ Գոգիտիձեն, ՀԱԵ Աջարիայի և մերձակա տարածաշրջանի հոգևոր հովիվ Արարատ քահանա Գումբալյանը, «Մեր տունը Վրաստանն է» հայ-վրացական կազմակերպության նախագահ Սահակ Տալիթյանը, Աջարիայի հայերի միության վարչության անդամ Արթուր Հովհաննիսյանը:
