Հունահռոմեական ոճի ըմբիշ Արթուր Շահինյանը (87 կգ) դարձավ Լեհաստանի մայրաքաղաք Վարշավայում ավարտված միջազգային մրցաշարի հաղթող։ Այս մասին տեղեկացնում են ՀԱՕԿ-ի կայքից:
Մինչև 87 կգ քաշային կարգի հայկական եզրափակում Շահինյանը հանդիպել էր Մաքսիմ Մանուկյանին։ Ծավալվել էր լարված պայքար։ Գոտեմարտի վերջին վայրկյաններին հաշիվը 2։1 է եղել՝ հօգուտ Մանուկյանի։ Շահինյանը դուրս է հրել Մանուկյանին մրցագորգից։ Մրցավարը 2 միավոր-նկատողություն է տվել Մանուկյանին՝ պայքարից խուսափելու համար։ Մանուկյանն ընկել է և այլևս չի կարողացել շարունակել պայքարը։
Մրցաշարի հաղթող է ճանաչվել Արթուր Շահինյանը։
Գևորգ Ղարիբյանն էլ (60 կգ) դարձել է մրցաշարի բրոնզե մեդալակիր։
