14.12.2024 | 19:57
Ինչ իրավիճակ է ճանապարհներին 19։35-ի դրությամբ
Ավտոմաքսատունը կտեղափոխվի Գյումրի, անհրաժեշտ 181 մլն դրամը կհատկացնի Կառավարությունը․ ՏԵՍԱՆՅՈՒԹ
Տնտեսություն
01.08.2019 | 12:11
Կառավարությունն այսօրվա՝ օգոստոսի 1-ի նիստում, ընդունեց որոշման նախագիծ, որով նախատեսվում է Արարատյան մաքսատունը Երևանից տեղափոխել Գյումրի:
Նախագծով առաջարկվում է Գյումրիում պաշտպանության նախարարության ենթակայության տակ գտնվող 21.5 հեկտար մակերեսով տարածքը տրամադրել մաքսատան կառուցմանը և ներդնել 181 միլիոն դրամ։
Նախատեսված գումարը կհատկացնի Կառավարությունը։
«Սպասվում է մեքենաների ներկրման աննախադեպ մեծ ծավալ ԵՏՄ անդամ չհանդիսացող պետություններից, այդ պատճառով շատ հրատապ ձեռնարկել ենք այս նախագիծը: Այս տարվա հունվարի 1-ից մինչև հուլիսի 31-ը ներկրվել է 68 հազար ավտոմեքենա, իսկ նախորդ ամբողջ տարվա ընթացքում ներկրվել էր 67 հազար մեքենա»,- ասաց ՊԵԿ նախագահ Դավիթ Անանյանը:
ՊԵԿ նախագահ Դաիթ Անանյանը նախագիծը ներկայացնելու ընթացքում հիշեցրեց, որ ապրիլին Նիկոլ Փաշինյանը Արարատյան ավտոմաքսատուն այցից հետո հանձնարարել էր միջոցներ ձեռնարկել այն Երևանից Գյումրի տեղափոխելու համար:
Մանրամասները՝ տեսանյութում։
Աղավնի Սուքիասյան
