14.12.2025 | 15:42
Կյանքից հեռացել է մանկական վիրաբույժ Ավթանդիլ Հարությունյանը
«Պրոֆպանել» ՍՊԸ-ն կօգտվի հերթական արտոնությունից. 2 միլիարդ 952 մլն դրամի ներդրում է լինելու․ ՏԵՍԱՆՅՈՒԹ
Տնտեսություն
31.07.2019 | 21:13
Կառավարությունը վաղը կորոշի արտոնություն տալ «Պրոֆպանել» ՍՊԸ-ին:
Ընկերությունն Արևային վահանակների արտադրության համար Չինաստանից, Կորեայից, Իրանից, Հնդկաստանից եւ ԵՄ երկրներից ներկրում է սարքավորումներ:
Խոսքը 2 միլիարդ 952 մլն 627 հազար 875 դրամի ներկրվող սարքավորումների մասին է:
Գործադիրը որոշելու է «Պրոֆպանել»-ին ազատել մաքսային տուրքերից:
Կառավարության կայքի համաձայն՝ արտոնության առկայությունը լուրջ խթան կհանդիսանա նոր ներդրումային ծրագրերի իրականացման և որպես հետևանք նոր աշխատատեղերի ստեղծման, ներդրումների ներգրավման, տեղական արտադրության և արտահանման խթանման համար:
Նշենք, որ այս պահին ընկերությունն ունի մոտ 40 աշխատակից, նախագծում չի նշվում, թե այս արտոնությամբ քանի աշխատատեղ է ստեղծվելու:
Կառավարությունը եւս մեկ արտոնություն էլ այս ընկերությանը տվել էր 2018 թվականի մայիսին:
«Պրոֆպանել»-ը Հայաստանում առաջին արևային վահանակներ արտադրող գործարանն է, որի բացումը տեղի է ունեցել 2017 թվականի ամռանը:
Նարեկ Կիրակոսյան
