07.03.2026 | 16:00
Իրանն այսօր շատ ծանր հարված կստանա․ Թրամփ
Իրանը բալիստիկ հրթիռ է փորձարկել
Քաղաքականություն
26.07.2019 | 13:52
Իրանը հաջողությամբ ավարտել է միջին հեռահարության բալիստիկ հրթիռի փորձարկումը: Այս մասին հաղորդում է ՌԲԿ-ն՝ վկայակոչելով ամերիկյան Fox News հեռուստաալիքը:
«Մենք ծանոթ ենք Իրանի կողմից արձակված հրթիռի մասին հաղորդագրություններին: Առայժմ այլ մեկնաբանություն չունենք»,- Fox News-ին ասել է ԱՄՆ նախագահի վարչակազմի բարձրաստիճան պաշտոնյան:
Աղբյուրի փոխանցմամբ՝ «Շահաբ 3» հրթիռն է փորձարկվել: Այն անցել է ավելի քան 965 կմ՝ երկրի հարավից հասնելով Թեհրանի մերձակայքում գտնվող շրջաններից մեկը:
Ամերիկյան աղբյուրները նաև նշում են, որ «Շահաբ 3» հրթիռը վտանգ չի ներկայացնում նավագնացության և ամերիկյան ռազմաբազաների համար: Հետախուզության աղբյուրների համաձայն՝ փորձարկումը հրթիռի հեռահարությունն ու հստակությունը բարելավելու ուղղությամբ աշխատանքի շրջանակում է իրականացվել:
Անցյալ տարվա դեկտեմբերին Die Welt-ը, վկայակոչելով եվրոպական հատուկ ծառայությունների տվյալները, հաղորդել էր, որ Իրանն ընդլայնում է հրթիռային ծրագիրը: Այդ նպատակով Թեհրանը կրկնապատկել է փորձարկումների թիվը: Նշվում է նաև, որ «Շահաբ 3»-ի գործողության շառավիղն առնչվում է Եվրամիության հարավ-արևելյան մի շարք երկրներին:
