30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ՄիԳ-29-ի կործանումից հետո Բաքուն դադարեցրել է ուսումնական թռիչքները
Քաղաքականություն
26.07.2019 | 12:29
Կասպից ծովում ՄիԳ-29 օդանավի կործանումից հետո Ադրբեջանի ՊՆ-ն դադարեցրել է ուսումնամարզական թռիչքները: Ադրբեջանական լրատվամիջոցների փոխանցմամբ՝ այս մասին հայտնել է երկրի ՊՆ խոսնակ Վագիֆ Դարգյախլին: «Թռիչքները դադարեցվել են Ադրբեջանի ՌՕՈՒ-ի բոլոր ավիացիոն միջոցների համար՝ մինչև ՄիԳ-29-ի կործանման պատճառները պարզելը: Սա ժամանակավոր միջոց է»,- ասել է նա:
Միաժամանակ, ՊՆ խոսնակը հավելել է, որ մարտական հերթապահությունն իրականացվում է սահմանված կարգով:
Նշենք, որ Ադրբեջանի ՌՕՈՒ-ի ՄիԳ-29 բազմաթիրախային կործանիչը հուլիսի 24-ի երեկոյան ուսումնամարզական թռիչքի ժամանակ անհետացել է ռադարներից: Օդանավը Կարպից ծովն է ընկել: Այն կառավարել է փորձառու օդաչու, փոխգնդապետ Ռաշադ Աթակիշիևը: Օդաչուի ճակատագրի մասին ոչինչ հայտնի չէ:
Ադրբեջանի պաշտպանության նախարար Զաքիր Հասանովի հանձնարարությամբ հանձնաժողով է ստեղծվել՝ ավիաաղետի պատճառները հետաքննելու համար:
