19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
ԱՄՆ ՌԾՈՒ նոր ռազմանավը հայազգի գործչի անունով կկոչեն
25.07.2019 | 20:03
ԱՄՆ Ռազմածովային ուժերի (ՌԾՈՒ) հրամանատարությունը որոշել է նոր ռազմանավը (Arleigh Burke-class guided missile destroyer) կոչել հայկական ծագումով ամերիկացի հայտնի պետական և ռազմական գործիչ Փոլ Իգնատիուսի (Իգտատոսյան) անունով:
«Ամբողջ կյանքն ԱՄՆ ՌԾՈՒ-ին նվիրած 98-ամյա հայի անունով նավի անվանակոչման պաշտոնական արարողությունը տեղի կունենա հուլիսի 27-ին, Ֆլորիդա նահանգի Ֆորտ Լոդերդեյլ նավահանգստում»,- գրում է Rusarminfo-ն՝ վկայակոչելով Defenseworld.net պարբերականը:
Փոլ Ռոբերտ Իգնատիուսը ծնվել է Գլենդեյլ քաղաքում, Հովսեփ Իգնատիոսյանի և Էլիզա Ժամկոչյանի ընտանիքում, որոնք ԱՄՆ են գաղթել Արևմտյան Հայաստանից:
1944 թվականին երիտասարդ լեյտենանտն ԱՄՆ ռազմաստրատեգիական 7-րդ նավատորմի կազմում մասնակցել է Ֆիլիպինյան դեսանտային լայնածավալ գործողությանը, մինչև 1945 թվականը մասնակցել ճապոնացիների դեմ մարտերին, իսկ Կորեական պատերազմի տարիներին զբաղվել թերակղզու ծովային շրջափակման ռազմավարության մշակմանը:
1961 թվականին Իգնատիուսը զբաղեցրել է ԱՄՆ ԶՈՒ Գլխավոր շտաբի ղեկավարի տեղակալի պաշտոնը: Մի քանի տարի անց՝ նախագահ Լինդոն Ջոնսի պաշտոնավարման օրոք, նա ստանձնել է ԱՄՆ Ռազմածովային ուժերի քարտուղար-նախարարի պաշտոնը՝ այն զբաղեցնելով մինչև 1969 թվականը:
