04.02.2026 | 23:29
ՇՄ նախարարը և Դևիդ Կուպերը քննարկել են «Կենսաբանական բազմազանության մասին» կոնվենցիայի ներքո ընթացող գործընթացներ
Իրանն անօդաչու սարք չի կորցրել. Թեհրանը հերքել է Թրամփի հայտարարությունը
Քաղաքականություն
19.07.2019 | 12:47
Իրանի ԱԳ փոխնախարար Աբբաս Արաքչին հերքել է Հորմուզի նեղուցում իրանական անօդաչու սարք ոչնչացնելու մասին ԱՄՆ նախագահ Դոնալդ Թրամփի պնդումը: Այս մասին գրում է IRNA-ն:
Թրամփը հայտարարել էր, որ ԱՄՆ ռազմաօդային ուժերի Boxer նավը հինգշաբթի Հորմուզի նեղուցում իրանական անօդաչու թռչող սարք է խոցել: Ամերիկյան ռազմական հրամանատարության փոխանցմամբ՝ այն չափազանց մոտեցել է նավին:
«Մենք ո՛չ Հորմուզի նեղուցում, ո՛չ այլ վայրում ոչ մի անօդաչու չենք կորցրել: Վախենամ՝ ամերիկյան Boxer-ը սխալմամբ սեփական անօդաչուն է խոցել»,- Twitter-ում գրել է Արաքչին:
Ավելի վաղ Իրանի ԱԳ նախարար Մոհամմադ Ջավադ Զարիֆը նույնպես հայտարարել էր, որ Թեհրանն անօդաչու կորցնելու մասին տեղեկություն չունի:
