15.01.2026 | 20:45
10,000 դոլար կաշառք՝ դատավորներին. երեք անձ ամբաստանյալի աթոռին է․ ՏԵՍԱՆՅՈՒԹ
Մենք պատերազմ չենք նախաձեռնի, բայց կպաշտպանվենք. Իրանի ԱԳ նախարար
Քաղաքականություն
18.07.2019 | 12:48
Իրանի ԱԳ նախարար Մոհամմադ Ջավադ Զարիֆն ամերիկյան CNN-ին տված հարցազրույցում ասել է, որ Պարսից ծոցում օտարերկրյա զորքերի ներկայությունը վնաս է հասցնում տարածաշրջանի կայունությանն ու անվտանգությանը: Այս մասին գրում է IRNA-ն:
Հարցին՝ Իրանի և ԱՄՆ-ի միջև պատերազմ հնարավո՞ր է, Զարիֆը պատասխանել է. «Կարող եմ ասել, որ մենք երբեք պատերազմ չենք կսսի: Մենք երբեք որևէ պատերազմ չենք սկսել և չենք սկսի, բայց կպաշտպանվենք»:
Նա ընդգծել է, որ նա, ով պատերազմ կսկսի Իրանի դեմ, այն ավարտին հասցնողը չի լինի:
«Իրանի դեմ տնտեսական պատերազմն ուղղված է պարզ մարդանց դեմ: Թրամփն ասել է, որ Իրանի դեմ պատերազմ չի ուզում, բայց տնտեսական պատերազմի մեջ է»,- հավելել է Իրանի ԱԳ նախարարը:
Իրանի և ԱՄՆ-ի հարաբերությունները սրվեցին 2015 թվականին կնքված միջուկային գործարքից Վաշինգտոնի դուրս գալուց հետո: ԱՄՆ-ն կոշտ պատժամիջոցներ սահմանեց երկրի դեմ և տարբեր կարևոր տնտեսական ոլորտներում: Վերջին ամիսներին Պարսից ծոցում լարվածությունը մեծ է, և տարածաշրջանի երկրներն Իրանին ու ԱՄՆ-ին այն թուլացնելու կոչ են արել:
