16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
ԵԱՀԿ-ն Կիևին կոչ է արել ազատ արձակել ռուս լրագրողին
Հասարակություն
17.07.2019 | 19:09
ԵԱՀԿ-ն կոչ է արել անհապաղ ազատ արձակել «ՌԻԱ Նովոստի Ուկրաինա»-ի ղեկավար Կիրիլ Վիշինսկուն: Այս մասին հայտնում է ՏԱՍՍ-ը՝ վկայակոչելով ԵԱՀԿ Լրատվամիջոցների ազատության հարցերով ներկայացուցիչ Արլեմ Դեզիրին:
«Որքանով ինձ հայտնի է՝ Վիշինսկու գործով դատը հուլիսի 19-ին է նշանակված: Ես մշտապես կապի մեջ եմ Ուկրաինայի իշխանությունների հետ և ցանկացած հնարավորության դեպքում հանդես եմ գալիս հօգուտ Կիրիլ Վիշինսկու, կոչ անում նրան ազատ արձակել, քանի որ այդպես չպետք է լինի: Լրագրողներին չպետք է բանտարկեն իրենց մասնագիտական գործունեության համար: Նա աշխատել է և ազնվորեն կատարել իր պարտականությունները,- նշել է Արլեմ Դեզիրը:
Նշենք, որ Կիրիլ Վիշինսկին ձերբակալվել է 2018 թվականի մայիսի 15-ին Կիևում: Նա մեղադրվում է պետական դավաճանության և Դոնբասի ինքնահռչակ հանրապետություններին աջակցելու համար:
Վիշինսկուն մինչև 15 տարի ժամկետով ազատազրկում է սպառնում:
Նելլի Մելքոնյան
