16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Հայաստանը ՌԴ-ի առանցքային գործընկերն է Անդրկովկասում. Սերգեյ Լավրով
Քաղաքականություն
17.07.2019 | 17:02
Մենք անտարբեր չենք Ուկրաինայում, Վրաստանում և Հայաստանում տեղի ունեցող քաղաքական գործընթացների հանդեպ, քանի որ խոսքը եղբայր ժողովուրդների մասին է, որոնց հետ մեզ կապում է փոխգործակցության երկարատև պատմությունը, այդ թվում՝ մեկ պետությունում ապրելը: «ԱԻՖ»-ին տված հարցազրույցում այս մասին ասել է ՌԴ ԱԳ նախարար Սերգեյ Լավրովը:
Նրա խոսքով՝ ԽՍՀՄ փլուզումից հետո Արևմուտքում հավատացին, որ եկել է «պատմության ավարտը», և հիմա իրենց թույլատրվում է կոպտորեն միջամտել այս կամ այն պետության գործերին, խառնվել ներքաղաքական գործընթացներին:
«Ուկրաինան, թերևս, ամենացցուն օրինակն է: Հայաստանի պարագայում իրավիճակն այլ է: Այս երկիրը Ռուսաստանի առանցքային գործընկերն է Անդրկովկասում: Հայաստանի հետ ռազմավարական, դաշնակցային հարաբերություններ են հաստատված: Քաղաքական երկխոսությունը, խորհրդարանական, միջազգային հարթակում համագործակցությունն ինտենսիվ բնույթ է կրում»,- ասել է Լավրովը:
Նա հավելել է, որ ՌԴ-ն Հայաստանի առաջատար տնտեսական գործընկերն է, ակտիվորեն զարգանում են նաև հարաբերությունները կրթական, մշակութային, ներդրումային, ռազմատեխնիկական ոլորտներում:
Ինչ վերաբերում է Վրաստանին, ապա, ՌԴ ԱԳ նախարարի համոզմամբ, վրաց ժողովուրդը ռուսներին թշնամի չի համարում:
«Ցավոք, այսօր տեսնում ենք, թե ինչպես են այդ երկրի որոշ քաղաքական գործիչներ մրցում հակառուսական հռետորաբանության մեջ՝ իրենց նեղ անձնական նպատակներին հասնելու համար: Վստահ եմ, որ ժամանակ ընթացքում ամեն ինչ իր տեղը կընկնի, և մեր պետությունների միջև բարիդրացիական հարաբերությունները կվերականգնվեն»,- ասել է Սերգեյ Լավրովը:
