27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Հայաստանը կարող է դառնալ տարածաշրջանում էներգետիկ հաբ․ պաշտոնյան՝ Հյուսիս-հարավ էներգետիկ միջանցքի մասին․ ՏԵՍԱՆՅՈՒԹ
Տնտեսություն
17.07.2019 | 13:53
Հյուսիս-հարավ էներգետիկ միջանցքի ձևավորման գործընթացում ներկայումս Իրանի հետ քննարկում ենք այդ ծրագրի կենտրոն-հարավ 400 կվտ երկարությամբ էլեկտրահաղորդման գծի կառուցման հարցը․ քննարկվում է նաև կենտրոն-հյուսիս էլեկտրահաղորդման գծի կառուցման հարցը, որն իրենից ենթադրում է Հայաստան-Վրաստան էլեկտրահաղորդման գծի կառուցում։
Այս մասին այսօր «Զանգվածային հոսանքազրկում. պաշտպանվա՞ծ է ՀՀ էներգետիկ անվտանգությունը» թեմայով քննարկման ժամանակ ասաց ՀՀ տարածքային կառավարման և ենթակառուցվածքների նախարարության էներգետիկայի վարչության պետ Հայկ Բադալյանը։
«Այս ծրագրերն իրականություն դարձնելուց հետո մենք հարավի ուղղությամբ կունենանք հոսքերի եռապատիկ ավելացում, իսկ երբ դրան միանա նաև կենտրոն-հյուսիս էլեկտրահաղորդման գիծը, մենք կդառնանք տարածաշրջանում էլեկտրաէներգետիկ հաբ՝ փոխհոսքեր իրականացնող։ Մենք աշխատում ենք նաև Իրանի հետ, քննարկում ենք հյուսիսային կողմի ուղղությամբ Վրաստանի հետ զուգահեռ նոր ծրագիր իրականացնելու հարցը և, ըստ գրաֆիկի, այդ ուղղությամբ մենք կունենանք նոր էներգահաղորդման գծի շահագործում։ Նշեմ նաև, որ ներկա պահին հաստատվել է նաև ԵՏՄ ընդհանուր էներգետիկ շուկայի ծրագիրը, իսկ դա նշանակում է, որ Հայաստանը կարող է մասնակից դառնալ էներգետիկ առևտրին»,- ասաց պաշտոնյան։
Մանրամասները՝ տեսանյութում։
