29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Մարտունի-Վարդենիս ավտոճանապարհին ավտոմեքենա է այրվել. վարորդն ու ուղևորները հոսպիտալացվել են
14.07.2019 | 11:19
ՀՀ ԱԻՆ-ից տեղեկացնում են, որ հուլիսի 14-ին՝ ժամը 03:12-ին, «911» ծառայությանը տեղեկություն է հաղորդվել, որ Մարտունի-Վարդենիս ավտոճանապարհի 17-րդ կմ-ին՝ Գեղարքունիքի մարզի Ծովինար համայնքի մոտակայքում, այրվում է ավտոմեքենա։
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Հրդեհը մեկուսացվել է ժամը 03։31-ին, մարվել՝ 03։50-ին։
Ամբողջությամբ այրվել է «ՎԱԶ-2121» մակնիշի ավտոմեքենան (վարորդ՝ Գ.Հ., ծնված 2001 թ.)։
Ավտոմեքենայի վարորդը և ուղևորները՝ Դ.Հ.-ն (ծնված 2003 թ.) և Հ.Ս.-ն (ծնված 2002 թ.), տարբեր աստիճանի այրվածքներով հոսպիտալացվել են Մարտունու ԲԿ։ Բժիշկները Դ.Հ.-ի և Հ.Ս.-ի առողջական վիճակը գնահատել են բավարար, իսկ Գ.Հ.-ինը՝ միջին ծանրության:
