02.09.2026 | 17:37
Թումանյանում ՏԻՄ ընտրությունների քարոզարշավը մեկնարկում է սեպտեմբերի 2-ին․ ԿԸՀ
Տուրիստական ընկերությունը դեպի Եգիպտոս կեղծ ավիատոմսեր է վաճառել
Տնտեսություն
12.07.2019 | 16:57
Հայաստանի գլխավոր դատախազությունը «Անռիվա տուր» ընկերության կողմից ստացել է հաղորդագրություն այն մասին, որ Հայաստանում դեպի Եգիպտոս կեղծ ավիատոմսեր են վաճառվել։
Այս մասին Factor.am-ի հետ զրույցում ասաց Գլխավոր դատախազության հանրային կապերի բաժնի պետ Արևիկ Խաչատրյանը։
««Անռիվա տուր» ընկերությունը հաղորդում է ներկայացրել, որ Հայաստանում գործող տուրիստական ընկերություններից մեկը վաճառել է կեղծ ավիատոմսեր։ Հաղոդումն ուղարկել ենք ոստիկանություն՝ ուսումնասիրության համար»,- ասաց Արևիկ Խաչատրյանը` չհայտնելով, թե որ տուրիստական ընկերության մասին է խոսքը։
Ոստիկանության հասարակայնության և լրատվության հետ կապերի բաժնից էլ Factor.am-ին հայտնեցին, որ Դատախազության հաղորդումը ստացել են հուլիսի 10-ին։ «Ոստիկանությունն այժմ իրականացնում է ուսումնասիրություն, տարվում են համապատասխան աշխատանքներ»,-փոխանցեցին Ոստիկանությունից։
