Առաջինը ԲԴԽ անդամները պետք է անցնեն վեթինգ. Լիլիթ Մակունց. ՏԵՍԱՆՅՈՒԹ

Առաջինը պետք է Բարձրագույն դատական խորհրդի անդամներն անցնեն վեթինգ: Այս մասին «Իմ քայլը» խմբակցության հրավիրած ասուլիսի ժամանակ հայտարարեց խմբակցության ղեկավար Լիլիթ Մակունցը:

Լրագրողի դիտարկմանը, որ վեթինգն իրականացնելու են հենց ԲԴԽ անդամները, այս դեպքում նրանց վեթինգն ո՞վ է իրականացնելու,  ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանը պատասխանեց. «Դա պերմանենտ գործընթաց է, որը պետք է իրականացվի պետական բոլոր պաշտոնյաների նկատմամբ»:

Այնուհետ, Վլադիմիր Վարդանյանին խնդրեցին մեկնաբանել երեկ ԲԴԽ անդամ Նախշուն Տավարացյանի երդմանը:

Հիշեցնենք, որ նա ԲԴԽ անդամ էր ընտրվել ինը ամիս առաջ, բայց չէր երդվել, ինչն օրենքի խախտում էին համարում մի շարք իրավապաշտպաններ:

«ԲԴԽ-ն այն կառույցն է, որը ձևավորվում է Ազգային ժողովի և դատավորների ընդհանուր ժողովի կողմից: Մենք իրավունք չունենք որևիցե եղանակով ներխուժել դատավորների ընդհանուր ժողովի հարցերի մեջ, որովհետև դա կդիտարկվի որպես սահմանադրական մի շարք նորմերի խախտում, բայց ինչ վերաբերում է երեկվա ընտրությանը, չեմ կարող անդրադառնալ ընտրված դատավորներին, որովհետև, դատավորների ընդհանուր ժողովի որոշումը, եթե այն իրականացվել է օրենքով սահմանված կարգով, պետք է հարգել, բայց ինձ համար առնվազն զարմանալի է մեկ տարի անց այդ երդմնակալության կազմակերպումը, երբ, կարծես թե, նախկինում տիկին Տավարացյանը ներկայացրել էր հրաժարականի դիմում, և դա մնացել էր անհետևանք։ Սա որոշակի առումով անհասկանալի և գուցե բավականին լավ նյութ է իրավաբանական հետազոտություններ իրականացնելու համար», – ասաց նա:

Մանրամասները ՝տեսանյութում:

Նարեկ Կիրակոսյան