06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
«Իմ քայլը»-ում չի քննարկվել նախորդ իշխանություններին քաղաքական գնահատական տալու հարցը. Լիլիթ Մակունց. ՏԵՍԱՆՅՈՒԹ
Քաղաքականություն
12.07.2019 | 14:06
«Իմ քայլը» խմբակցությունում չի քննարկվում նախորդ իշխանությունների վարած քաղաքականությանը գնահատական տալու հարցը: Այս մասին լրագրողների հետ հանդիպման ժամանակ ասաց խմբակցության ղեկավար Լիլիթ Մակունցը՝ անդրադառնալով քաղհասարակության ներկայացուցիչների այն առաջարկին, որ պետք է հետհեղափոխական իշխանությունը քաղաքական գնահատական տա նախորդներին:
«Պետք է խոստովանեմ, որ խմբակցությունում այդ մասին քննարկում չի եղել, բայց կարող եմ ներկայացնել իմ անձնական տեսակետը: Այն քննիչ հանձնաժողովները, որոնք ստեղծվում են, դրանց կատարած աշխատանքի արդյունքում գնահատականներ կհնչեցվեն: Երբ խոսվում է քաղաքական գնահատական հնչեցնելու մասին, դրա հիմքերը և բաղադրիչները պետք է հստակ լինեն՝ որ քայլերի հիման վրա են տրվելու, կան ապացույցներ, չկան ապացույցներ»,- ասաց Լիլիթ Մակունցը:
Նա շեշտեց, որ սա խմբակցության դիրքորոշումը չէ, այլ իր անձնական կարծիքն է:
Մանրամասները՝ տեսանյութում:
