13.10.2026 | 20:44
Ծանրորդ Սեյրան Խուդանյանը՝ բրոնզե մեդալակիր. Մ23 տարեկանների ԵԱ
Դոնալդ Տուսկը ՌԴ-ից Վրաստան չվերթների դադարեցումն անհիմն է անվանել
Քաղաքականություն
11.07.2019 | 18:50
Ռուսաստանի և Վրաստանի միջև ուղիղ չվերթների դադարեցումն անհիմն ու անարդար է։ Այս մասին Վրաստանի նախագահ Սալոմե Զուրաբիշվիլիի հետ մամուլի ասուլիսի ընթացքում նշել է Եվրոպական խորհրդի նախագահ Դոնալդ Տուսկը․ հայտնում է RT-ն:
«Դեպի Վրաստան ուղիղ չվերթները դադարեցնելու Ռուսաստանի որոշումը մի կողմից անհամաչափ է, մյուս կողմից՝ անարդար։ Այն ոչ մի կերպ չի հիմնավորվում։ Եվրամիությունն այս հարցում Վրաստանի հետ համամիտ է»,- ընդգծել է Տուսկը։
Նրա խոսքով՝ Եվրոպական խորհուրդը շարունակում է աջակցել «Վրաստանի տարածքային ամբողջականությանը»։
Հիշեցնենք, որ հուլիսի 8-ին ուժի մեջ է մտել ՌԴ նախագահ Վլադիմիր Պուտինի հրամանը, ըստ որի՝ ժամանակավորապես դադարեցվում են դեպի Վրաստանի չվերթները։
Պուտինի խոսնակ Դմիտրի Պեսկովը նշել է, որ երկու երկրների միջև ավիափոխադրումների վերականգնման մասին քննարկում սկսելու համար դեռ վաղ է։
Նելլի Մելքոնյան
