08.11.2026 | 12:17
Գորայք-Զանգեր ճանապարհին ձյան պատճառով 6 բեռնատար և մեկ մարդատար ավտոմեքենա արգելափակվել են
Պետությունը փող է հատկացրել, բայց աշխատանքները կատարվել են անբավարար մակարդակով․ Էրիկ Գրիգորյան
Քաղաքականություն
11.07.2019 | 17:20
«Սևան ազգային պարկում» վերջին տարիներին իրականացված գործողությունների հետևանքով հարուցվել է մոտ 50 քրեական գործ։
Այս մասին հուլիսի 11-ին հրավիրված մամուլի ասուլիսի ժամանակ ասաց Շրջակա միջավայրի նախարար Էրիկ Գրիգորյանը։
«Կատարվում են քննչական գործողություններ, հարուցվել է քրեական գործ Արփա-Սևան թունելի շինարարության ժամանակ բացահայտված խախտումների վերաբերյալ, ինչպես նաև ջրօգտագործողների ասոցիացիայի հանդեպ՝ կապված ջրի պահանջարկի ավելացման և կեղծված փաստաթղթերի հետ»,-նշել է նախարարը։
Վերջինս նաև հավելել է, որ ուսումնասիրվել է 770 հա տարածք, որտեղ երկու տարվա ընթացքում իրականացվելու են մաքրման աշխատանքներ։
«Կա 2012 թվականի եզրակացությունը, որով նախատեսվել էր աշխատանքներ իրականացնել 700 հեկտար տարածքի վրա, սակայն աշխատանքները չեն կատարվել։ Օրինակ Վարդենիսում կատարվել է աշխատանքների մոտ 30 տոկոսը, նույնն է իրավիճակը Արտանիշում։ Պետությունը փող է հատկացրել, բայց աշխատանքները կատարվել են անբավարար մակարդակով»,- ասաց նախարարը։
