08.11.2026 | 12:17
Գորայք-Զանգեր ճանապարհին ձյան պատճառով 6 բեռնատար և մեկ մարդատար ավտոմեքենա արգելափակվել են
Թեհրանն անպատասխան չի թողնի Ջիբրալթարում իրանական լցանավի կալանքը. ԶՈՒ ԳՇ ղեկավար
Քաղաքականություն
09.07.2019 | 22:10
Թեհրանն անպատասխան չի թողնի Ջիբրալթարում Մեծ Բրիտանիայի իշխանությունների կողմից Grace 1 լցանավի կալանքը: Այս մասին հայտարարել է Իրանի ԶՈՒ գլխավոր շտաբի ղեկավար, գեներալ-մայոր Մոհամմադ Բագերին, գրում է IRNA-ն:
Նա իրանական լցանավի կալանքը որակել է Պարսից ծոցում ամերիկյան անօդաչուի դեմ Իրանի գործողություններին պատասխան ակտ:
«Իրանական լցանավի կալանքն անպատասխան չի մնա, որը մենք կտանք ճիշտ տեղում և ճիշտ պահին»,- ասել է Մոհամմադ Բագերին:
Իրանցի բարձրաստիճան զինվորականի խոսքով՝ թշնամիները փորձում են վախեցնել Իրանին հոգեբանական ճնշման օգնությամբ, և այս պայմաններում «երկրի զինված ուժերը պատասխանատվություն է կրում պետության անվտանգության և հզորության պահպանման համար»:
Իրանի ԱԳ նախարար Մոհամմադ Ջավադ Զարիֆն իր հերթին Ջիբրալթարի կողմից Grace 1 լցանավի կալանքը «ծովահենության ակտ» է կոչել:
