08.11.2026 | 12:17
Գորայք-Զանգեր ճանապարհին ձյան պատճառով 6 բեռնատար և մեկ մարդատար ավտոմեքենա արգելափակվել են
Ի՞նչ եք արել, որ այսօրվա կանաչ Սևանը չունենանք. պատգամավորն Էրիկ Գրիգորյանին խնդրեց 3 քայլ մատնանշել. ՏԵՍԱՆՅՈՒԹ
Տնտեսություն
09.07.2019 | 11:48
ՀՀ Ազգային ժողովի այսօրվա նիստում «Իմ քայլը» խմբակցության պատգամավոր Թագուհի Թովմասյանը շրջակա միջավայրի նախարար Էրիկ Գրիգորյանից հետաքրքրվեց, թե ի՞նչ է արվել, որ «կանաչ» Սևան չունենանք:
«Դուք մեկ տարուց ավելի արդեն բնապահպանության նախարար եք, և Սևանի խնդիրը նոր չէ: Կարո՞ղ եք մատնանշել կոնկրետ երեք քայլ, որ իրականացրել եք՝ այսօրվա «կանաչ» Սևանը չունենալու համար, որովհետև այս խնդիրների բարձրացումը եղել է տարիներ շարունակ, և ակնհայտ էր, որ անհրաժեշտ են օպերատիվ քայլեր»,- հավելեց պատգամավորը:
Ի պատասխան՝ Էրիկ Գրիգորյանն ասաց՝ առաջինը Սևանի ափամերձ տարածքի հետ կապված վերլուծություններն են, որոնք ամբողջությամբ իրականացվել և ուղարկվել են իրավապահ մարմիններին:
«Երկրորդը՝ տիեզերական պատկերների և դրոնների միջոցով մանրամասն ուսումնասիրվել և վեր են հանվել այն բոլոր տարածքները, որտեղ կարիք կլինի մաքրում կատարել, նաև աշխատել ենք մեր Ջրային կոմիտեի գործընկերների հետ, որպեսզի Սևանի ջրբացթողումների քանակը նվազեցվի: Կարող եմ ասել, որ այսօրվա դրությամբ՝ ավելի քան 20 մլն խորանարդ մետրով ավելի քիչ է վերցվում ջուր, քան անցյալ տարի է վերցվել»,- մանրամասնեց նախարարը:
Մանրամասները՝ տեսանյութում:
