18.09.2026 | 07:58
Փաշինյանն աշխատանքային այցով մեկնել է Գերմանիա․ նրան կշնորհվի Հեսսեյան Խաղաղության մրցանակը
«Արա Մինասյանն իմ ընկերն է». Բաբլոյանն՝ Արսեն Թորոսյանի՝ Արա Մինասյանին «առողջապահության գլխատված վիշապ» անվանելու մասին. ՏԵՍԱՆՅՈՒԹ. ՏԵՍԱՆՅՈՒԹ
05.07.2019 | 16:03
Երևանում այս օրերին ընթանում է հայ բժիշկների 5-րդ միջազգային համագումարը, որի պատվո նախագահ է ընտրվել մանկաբույժ, ԱԺ նախկին նախագահ Արա Բաբլոյանը: Factor.am-ը պարոն Բաբլոյանից հետաքրքրվեց, թե Սերժ Սարգսյանի խնամի, «Գրիգոր Լուսավորիչ» ԲԿ-ի նախկին տնօրեն Արա Մինասյանն ինչո՞ւ չի մասնակցում այս միջոցառմանը: «Չեմ կարող ասել, բայց շատերը չեն մասնակցում»,- ասաց Արա Բաբլոյանը:
Հարցին՝ շփվում է Արա Մինասյանի հետ, Արա Բաբլոյանը պատասխանեց. «Ահագին ժամանակ է՝ չեմ տեսել: Մենք ընկերներ ենք, ոնց կարող եմ իր հետ չխոսել»:
Դիտարկմանը, որ Արա Մինասյանի՝ աշխատանքից ազատվելուց հետո առողջապահության նախարար Արսեն Թորոսյանը հայտարարել էր, որ «առողջապահության ոլորտում վիշապը գլխատվեց», արդյո՞ք կիսում է այս տեսակետը, Բաբլոյանը նշեց. «Ինձ տվեք հարցեր միայն առողջապահության ոլորտից: Դա առողջապահություն չի, Դուք ուրիշ դաշտ եք անցնում»:
Հիշեցնենք, որ Առողջապահության նախարարությանը ենթակա «Սուրբ Գրիգոր Լուսավորիչ» բուժկենտրոնում ԱՆ կողմից անցկացվող ուսումնասիրության միջանկյալ արդյունքներով՝ 2016-2018 թվականների ընթացքում բնակչությանը պետական պատվերի շրջանակում մատուցված բժշկական օգնության մասով պետական բյուջեին հասցված ընդհանուր վնասը գնահատվել է շուրջ 545 մլն դրամ: Այս ժամանակահատվածում բուժկենտրոնի տնօրենն Արա Մինասյանն էր:
Մանրամասները՝ տեսանյութում:
Նարեկ Կիրակոսյան
