30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ԼՂ հիմնահարցը մեզ համար եղել և մնում է կարևորագույն գերխնդիր. Զոհրաբ Մնացականյան
Քաղաքականություն
04.07.2019 | 23:06
Մեր կարևորագույն նպատակներից է ապահովել ԱՀ իշխանությունների ներգրավվածությունը Լեռնային Ղարաբաղի հակամարտության խաղաղ կարգավորման գործընթացին: Արցախի նախագահի հետ հանդիպումից հետո «Արցախպրես»-ի թղթակցի հետ զրույցում ասել է ՀՀ ԱԳ նախարար Զոհրաբ Մնացականյանը՝ նշելով, որ հարցը վերաբերում է Լեռնային Ղարաբաղի բնակչության անվտանգությանը:
«Լեռնային Ղարաբաղը քաղաքական միավոր է, որն ունի բնակչության կողմից ընտրված իր իշխանությունները: Սեփականության զգացումի ամրապնդումը բանակցային խաղաղ գործընթացի կոնտեքստում բոլորիս համար կարևոր հարց է: Այդ կոնտեքստի շրջանակում եմ ես այսօր Արցախում: Անհրաժեշտ է, որ շարունակվի երկխոսությունը Լեռնային Ղարաբաղի իշխանությունների հետ: Բանակցային խաղաղ գործընթացը շարունակաբար տեղի է ունենում, և այդ առումով Հայաստանը, որպես այդ գործընթացի մասնակից, երբեք չի հապաղել ու չի դանդարեցրել բանակցային գործընթացը: Լեռնային Ղարաբաղի հիմնահարցը մեզ համար եղել և մնում է կարևորագույն գերխնդիր: Արցախի բնակչության էքզիստենցիալ անվտանգությունից է բխում ԼՂ ստատուսի հարցը: Արցախի 150 հազար բնակիչները ողջ հայության ինքնության պահապաններն են»,- մասնավորապես ասել է Զոհրաբ Մնացականյանը:
Նա տեղեկացրել է նաև, որ վաղը՝ հուլիսի 5-ին, հանդիպում է ունենալու նաև Արցախի արտաքին գործերի նախարար Մասիս Մայիլյանի հետ:
