11.07.2026 | 12:34
Լոռիում քննարկվել է Վանաձոր-Փամբակ համայնքների միավորման օրենսդրական նախագիծը
ՀՅԴ-ն քաղաքական խորհրդակցությունների շրջանակում հանդիպել է «Երկիր Ծիրանի»-ին
Քաղաքականություն
04.07.2019 | 23:15
Շարունակվում են ՀՅԴ Հայաստանի Գերագույն մարմնի նախաձեռնած քաղաքական խորհրդակցությունները։ Այսօր ՀՅԴ Հայաստանի Գերագույն մարմնում տեղի է ունեցել հանդիպում «Երկիր Ծիրանի» կուսակցության հետ: Այս մասին տեղեկացնում են ՀՅԴ մամլո դիվանից:
Հանդիպմանը մասնակցել են ՀՅԴ Հայաստանի Գերագույն մարմնից Լիլիթ Գալստյանը, Արմենուհի Կյուրեղյանը, Շաղիկ Մարուխյանը և Արթուր Խաչատրյանը, «Երկիր Ծիրանի»-ից՝ կուսակցության նախագահ Զարուհի Փոստանջյանը, Գործադիր մարմնի անդամներ Արամ Ենոքյանը, Մարինա Կրիմլյանը և Քաղաքական խորհրդի ղեկավար Գուրգեն Ներսիսյանը։
Կողմերն անդրադարձել են Հայաստանի ներքաղաքական կյանքի զարգացումներին, իրենց մտահոգությունը հայտնել երկրի արտաքին և ներքին ճակատներում առկա մարտահրավերների առնչությամբ՝ անընդունելի համարելով ազգային պետական ուղեգծից շեղման տեսանելի միտումները։ Երկու կուսակցություններն էլ անթույլատրելի են գտնում երկրում տիրող անհանդուրժողականության մթնոլորտը և հատկապես Արցախի շուրջ ազգային միասնականության ոգին ջլատող դրսևորումները։
Քննարկվել են նաև ազգային պետական շահից բխող միասնական օրակարգերի ձևավորումն ու նրանց շուրջ համագործակցության հնարավորությունը:
